Гольф

Пасьля працяглых і ўпартых «баёў» Філ Микелсон заваяваў другі тытул пераможцы этапу Чэмпіянату сьвету па гольфе – HSBC Champions, 8 лістапада 2009.

Здарылася гэта, як і ў лістападзе 2007 гаду (сэзон 2008) у Шанхаі. На працягу ўсіх чатырох раўндаў амэрыканец літаральна палымеў на поле Sheshan International GC, вядучы наступ да запаветнага кубку.

Пачаўшы турнір у другой дзясятцы, днём пазьней гальфіст на «паях» з Раянам Мурам і Альвара Кірасам замкнуў тройку наймоцных, прапусціўшы наперад суайчыннікаў – Тайгера Вудза (які працягвае быць World No 1) і Ніка Ўітні. [→]

[Тэгі: Ernie Els, Phil Mickelson, Ryan Moore, Sheshan International GC, Tiger Woods, World Golf Champs, World No 1]

У Парыжы, дый увогуле ў Францыі, набірае папулярнасьць новы від спорту – вулічны гольф (ці як яго яшчэ называюць у сьвеце – urban golf). Яго аматары нават стварылі сваю асацыяцыю пад назовам “19-я лунка”. У традыцыйным гольфе матчы сканчаюцца на 18-й, але ў новым фармаце мяжы правіл моцна рассоўваюцца. Хоць і ў начным гольфе яны таксама ёсць.

Скойп, прэзідэнт асацыяцыі “19-я лунка”, кажа: “Па-першае, мы гуляем паўжорсткімі мячамі. Мы нават адмыслова вырабляем і прадаем іх. Па-другое, мы ня можам расхаджваць па горадзе з клюшкамі ў руках. У Францыі гэта лічыцца зброяй, так што клюшкі мы абавязкова носім у кайстрах. Ну, а па-трэцяе, мы не павінны забываць аб бясьпецы мінакоў.” [→]

[Тэгі: France, Street golf, Urban golf]