Гольф » Equipment

Сьпіс гольфінвентару

Thu, 17 Sep 2009 17:26:36 +0000

Вілачка дзеля раўнаваньня дывотаў

Экіпіроўка:
— мячы (ball)
— клюшкі (сlubs)
— маркеры для мячоў (ball markers)
— ці (tee)
— бэг (golf bag)
— гольфамабіль (golf cart)
— ручнікі (towels)
— футарал для галовак клюшак (сlubhead covers)
— іншыя дапаможныя прыстасаваньні (other aids)

Адзеньне:
— пальчаткі (gloves)
— абутак (shoes)

Што адбываецца з мячамі падчас гульні?

Wed, 16 Sep 2009 14:20:34 +0000

Пры першым удары мяч бяруць рукой і ставяць на адмысловы маленечкі слупок на вышыні 0,5-1,5 см ад зямлі. Мяч, які ўляцеў, трэба знайсьці не даўжэй, чым за пяць хвілін, і біць па ім з таго становішча, у якім ён апынуўся — чапаць нельга. Калі мяч ня знойдзены, то працягваюць гульню новым мячом, запісваючы за страту штрафное ачко. Зьмешчаны ў цяжкім становішчы мяч, які, напрыклад, упаў ушчыльную да ствала дрэва, можна абвясьціць «ня граным», і ўкінуць паблізу – адвесці руку ў бок на вышыню пляча і выпусціць на зямлю.

Аматару гольфа мяч можа служыць некалькі месяцаў або нават гадоў. Яго паверхня пакрываецца драпінамі, матэрыял асяродку «старэе» і яе пругкасьць зьмяняецца. Выкарыстаныя мячы прадаюцца гольф-клубамі як танныя трэніравальныя. Калі паблізу лункі мяч аднаго гульца можа перашкодзіць удару іншага гульца, то ён «маркіруецца» — здымаецца з пляцоўкі, а замест яго часова кладзецца плоская пазнака, напрыклад, манэта. Колер мячоў на спаборніцтвах белы, трэніравальныя мячы могуць быць любога колеру.

Wiffle balls

Wed, 16 Sep 2009 13:14:14 +0000

Полыя трэніравальныя мячы з адтулінамі. Завуцца «wiffle balls», па назове фірмы Wiffle Ball Inc., якой належыць гандлёвая марка. Яны значна лягчэй гульнявых мячоў, а далёкасьць палёту істотна менш — яны ляцяць усяго на 10-20 мэтраў.

Аднаслаёвыя трэніравальныя мячы

Tue, 15 Sep 2009 16:12:30 +0000

Аднаслаёвыя трэніравальныя мячы (practice balls) складаюцца з аднастайнага матэрыялу. Дзякуючы невысокаму кошту яны выдатна падыходзяць для адпрацоўкі рухаў пачаткоўцаў. Яны могуць важыць у два-чатыры разы менш, чым апісаныя вышэй гульнявыя мячы, пры гэтым і далёкасьць палёту ў іх у два-тры разы менш.

Чатырохслаёвыя мячы

Tue, 15 Sep 2009 16:08:19 +0000

Чатырохслаёвыя мячы зьяўляюцца навейшай разнавіднасьцю трохслаёвых мячоў. У поўнай меры іх уласьцівасьці могуць быць ацэненыя і выкарыстаныя прафэсіяналамі. Паміж аплёткай і абалонкай у мячоў маецца прамежкавы пласт.

Трохслаёвыя мячы

Mon, 14 Sep 2009 20:59:34 +0000

Трохслаёвыя мячы маюць намотку з эластычнай ніткі па-над пругкім або гелепадобным асяродкам. Такія мячы даюць мяккае адчуваньне пры ўдары і могуць быць моцна закручаныя. Дзякуючы гэтаму дасьведчаны гальфіст можа надаць траекторыі палёту выгнутую форму для абыходу перашкоды.

Двухслаёвыя мячы

Mon, 14 Sep 2009 20:56:01 +0000

Двухслаёвыя мячы складаюцца зь цьвёрдага ядра і тонкай цьвёрдай абалонкі. Яны спалучаюць нізкі кошт, даўгавечнасьць і далёкасьць палёту, таму прыдатныя для большасьці гальфістаў. Такія мячы ня схільныя да кручэньня ў палёце, таму прабачаюць ненаўмысна закручаныя ўдары, траекторыя іх палёту больш прамая.

Галоўка

Sun, 13 Sep 2009 22:44:25 +0000

У групах вудаў і айранаў клюшкі нумаруюцца ў залежнасьці ад кута паміж шафтам і асабовай ударнай паверхні галоўкі. Агульнае правіла нумарацыі клюшак у гольфе такое — чым ніжэй нумар, тым ніжэй і тым даўжэй патэнцыйная траекторыя ўдару. У сярэднім розніца ў даўжыні ўдараў клюшкамі суседніх нумароў складае 10 мэтраў.

Вугал паміж стрыжнем клюшкі і асабовай ударнай паверхняй галоўкі завецца «loft» (лофт) і складае для вудаў ад 7 да 12 градусаў, для айранаў — ад 20 да 49 градусаў, для вэджэй — ад 50 да 64 градусаў, для патэраў — ад 2 да 7 градусаў.

Мячы

Sun, 13 Sep 2009 15:54:10 +0000

Мячы для гольфу павінныя мець дыямэтр ня меней за 4,27 см. Вага мячоў вар’іруецца ў межах 41-46 грамаў. Паверхня мяча мае ямінкі (dimples). Яны паляпшаюць обцяканьне мяча паветрам у палёце, зніжаюць супраціў паветра і забясьпечваюць вялікую далёкасьць удару. Вытворцы экспэрымэнтуюць з формай і колькасьцю ямінак. Колькасьць ямінак на мячах розных вытворцаў вар’іруецца ад 300 да 500. Правіла кажа: чым больш ямінак, тым вышэй ляціць мяч. У выніку мяч са шматлікімі ямінкамі ляціць занадта высока ў шкоду даўжыні ўдару. Пачатковая хуткасьць мяча пасьля ўдару можа дасягаць 200 км/г.

Пругкасьць мячоў характарызуюцца паказчыкам «кампрэсыі». Яе ўмоўная велічыня вар’іруецца ад 0 да 200. Калі мяч не сьціскаецца пры ўдары, то яго кампрэсыя прынятая роўнай 200; калі ён сціскаецца на 2/10 цалі (5 мм) або больш, то яго кампрэсыя прынятая роўнай 0. Большасьць мячоў маюць кампрэсыю ў межах 80-100, гэта значыць сціскаюцца пры ўдары на 2-3 мм. Калі мячы не адказваюць гэтым патрабаваньням, то іх адносяць да групы нестандартных — назоў на ангельскай мове X-outs.

Па ўнутранай будове мячы могуць складацца з аднаго, двух, трох і больш пластоў-кампанэнтаў.

Соступ у клюшкі

Sat, 12 Sep 2009 22:48:08 +0000

Соступ (offset) роўны адлегласці паміж вертыкальнымі лініямі, якія праходзяць праз вось шафта і абзой асабовай ударнай паверхні. Для вудаў, айранаў і вэджэй характэрны соступ ударнай паверхні наперад, для патэраў характэрны соступ назад.

Вырабляюцца клюшкі адмыслова для жанчын і дзяцей, якія адрозніваюцца па калянасьці шафту, па акружнасьці абхопу ручкі-грыпу і іншым параметрам.