Гольф » playing golf

Правілы гульні

Sat, 19 Sep 2009 18:21:24 +0000

Рухомыя перашкоды (напрыклад партфель, смецьцевае вядро і т.п.) могуць быць ссунутыя ў любой частцы гольф-паля. Калі мяч пры гэтым зьмяніў становішча, яно павінна быць адноўленае бяз штрафу.

Да нерухомых перашкодаў адносяцца ўсе прадметы офіснай мэблі, уключаючы сталы, крэслы, стулы і т.п. Калі нерухомая перашкода (напрыклад, стол) мяшае вашай гульнявой стойцы або сўінгу, мяч можа быць укінуты бяз штрафу ў межах даўжыні 1 клюшкі ад найбліжэйшай кропкі, вольнай ад уплыву перашкоды, але не бліжэй да лункі. Уплыў перашкоды на лінію вашага ўдару не зьяўляецца падставай для палягчэньня становішча ў любой кропцы поля.

Межамі поля, як правіла, зьяўляюцца сьцены офісу. Пры гэтым дотык сьцяны мячом разглядаецца як трапленьне за межы поля, т.б. неабходна са штрафам у 1 удар згуляць «новы» мяч з таго месца, адкуль быў згуляны апошні ўдар (страта і ўдару, і адлегласьці).

Ударам лічыцца любы дотык мяча клюшкай. Калі лік удараў на лунцы дасягае 6, дадаецца адзін удар да 7, і гульня на лунцы лічыцца завершанай.

Што адбываецца з мячамі падчас гульні?

Wed, 16 Sep 2009 14:20:34 +0000

Пры першым удары мяч бяруць рукой і ставяць на адмысловы маленечкі слупок на вышыні 0,5-1,5 см ад зямлі. Мяч, які ўляцеў, трэба знайсьці не даўжэй, чым за пяць хвілін, і біць па ім з таго становішча, у якім ён апынуўся — чапаць нельга. Калі мяч ня знойдзены, то працягваюць гульню новым мячом, запісваючы за страту штрафное ачко. Зьмешчаны ў цяжкім становішчы мяч, які, напрыклад, упаў ушчыльную да ствала дрэва, можна абвясьціць «ня граным», і ўкінуць паблізу – адвесці руку ў бок на вышыню пляча і выпусціць на зямлю.

Аматару гольфа мяч можа служыць некалькі месяцаў або нават гадоў. Яго паверхня пакрываецца драпінамі, матэрыял асяродку «старэе» і яе пругкасьць зьмяняецца. Выкарыстаныя мячы прадаюцца гольф-клубамі як танныя трэніравальныя. Калі паблізу лункі мяч аднаго гульца можа перашкодзіць удару іншага гульца, то ён «маркіруецца» — здымаецца з пляцоўкі, а замест яго часова кладзецца плоская пазнака, напрыклад, манэта. Колер мячоў на спаборніцтвах белы, трэніравальныя мячы могуць быць любога колеру.

Дзе можна пачаць гуляць і трэніравацца?

Fri, 11 Sep 2009 21:55:40 +0000

Па кансультацыю неабходна зьвярнуцца ў гольф-клюб. Магчымым варыянтам таксама з’яўляюцца сымулятары гольфа.

Бліжэйшы да Менску гольф клюб — European Centre Golf club (golfclub.lt), які знаходзіцца ля Вільні (26-ы кілямэтр трасы на Малентай).

Пітч-энд-Пат: што гэта такое?

Fri, 11 Sep 2009 21:49:48 +0000

1. Поле для пітч-энд-пата можа быць даволі маленькім, максымальная адлегласьць да лункі не перавышае 90 мэтраў. Яго цалкам можна разьмясьціць практычна ў любым парку.

2. Для гульні неабходныя ўсяго дзьве клюшкі – айран і патэр.

Гуляць у гольф дорага?

Fri, 11 Sep 2009 21:41:58 +0000

Гэта не зусім так. Сапраўды, пакуль у Беларусі няма ўласных гольф клубаў, таму аматарам гэтага спорту даводзіцца гуляць на палях краінаў-суседак, і таннай забаўкай гэта назваць нельга. З іншага боку, адразу выходзіць на поле ня мае ніякага сэнсу. Спачатку неабходна навучыцца карыстацца клюшкамі і мячом. Можна і трэба браць урокі гульні ў гольф, займацца на адмысловых трэнажорах, шліфаваць уменьне дома і на працы.

Напрыклад, трэніравацца ў выкананьні пата, дакладнасьць якога вызначае ледзь не палову посьпеху, можна з посьпехам дома ці ў офісе. Абыйдзецца гэта максымум у 200 даляраў. А калі купіць недарагі патэр ($20), «пялёсткавую» лунку і некалькі мячыкаў (2—4 даляры кожны), то можна ня толькі з’эканоміць пры трэніроўках але і ладзіць уласныя міні-турніры.

Экіпіяваньне для гульні зусім не абавязкова павінна быць дарогім. Для пачатку можна гуляць і недарагімі клюшкамі. Ужо згаданы патэр можа каштаваць ад 20 да 120 даляраў і больш. Набор вудаў (3 штукі) можна знайсці дзесьці ад 100 даляраў і да 500 і вышэй (напр., у Маскве). З сэтамі айраў (9 штук) тая ж гісторыя. Калі ёсьць магчымасьць набыць клюшкі ў Эўропе, то можна істотна зэканоміць: увесь набор можа абыйсціся дзесьці ў 120–150 даляраў.

Абутак для гульні ў гольф не павінны наносіць страты траўніку — на шпільках і ў каўбойскіх ботах гуляць нельга. Нават цяпер некаторыя аматары гуляюць у красоўках з плоскай падэшвай (тэнісных). Але яны па-першае сьлізгаюць, а па-другое змакаюць. Лепш набыць адмысловыя чаравікі, з адмысловымі шыпамі (лепш «мяккімі») коштам 100–150 даляраў. Яны прадаюцца ў клюбах, спецыялізаваных крамах або інтэрнэт-крамах. Яшчэ неабходна памятаць аб тым, што на поле ня прынята выходзіць у джынсах і кашулі без каўняра. Такія традыцыі.

Якія правілы гульні?

Fri, 11 Sep 2009 21:39:03 +0000

З імі можна азнаёміцца ў разьдзеле «Правілы». Асноўныя тэрміны можна паглядзець у разьдзеле «Слоўнік».

Прынцыпы гульні

Fri, 11 Sep 2009 21:31:08 +0000

Пры гульні ў гольф неабходна запомніць тры галоўныя прынцыпы:

— Гуляй на полі, як яно ёсьць.
— Гуляй мяч, як ён лёг.
— І калі ні тое, ні іншае немагчыма, паступай па справядлівасьці.

Як гуляць у гольф?

Fri, 11 Sep 2009 21:27:32 +0000

Сутнасьць гульні складаецца з наступнага. Выкарыстоўвачы розныя клюшкі (вуд, айран і патэр), ня меней за дзьве і ня больш за 14, неабходна загнаць мяч у 18 лунак. Лункай завецца як непасрэдна сама адтуліна ў зямлі куды закочваецца мяч, так і адмыслова падрыхтаваная пляцоўка даўжынёй у некалькі сот мэтраў, і якая складаецца з стартавай зоны (ці), асноўнай зоны (фэрвэя) і адмысловай пляцоўкі (грын), дзе выразаная лунка. Усе гэтыя зоны адрозьніваюцца вышынёй травы і наяўнасьцю перашкодаў. Сярод перашкодаў могуць быць бункеры, водныя перашкоды, хмызьняк, кветкі, высокая трава і т.п. Калі гальфіст зьдзяйсьняе правільныя, дакладныя ўдары, то з ці ён пападае мячом на фэрвэй, некалькімі (у залежнасці ад узроўня гульні) ударамі праводзіць мяч па фэрвэю і выбівае яго на грын.

Грын — гэта пляцоўка з ідэальнай травой, якая нагадвае дыван або нават хутчэй дываноўка (кавралін). Па ёй мяч можа без перашкод каціцца і пасьля ўдару патэрам павінен патрапіць у лунку. Важным кампанэнтам гульні ў гольф зьяўляецца гольф этыкет. Гольф – гульня праўдзівых джэнтльмэнаў, а яго этыкет – дбайна абараняемая традыцыя, якая не зазнала практычна ніякіх зьменаў за ўсю гісторыю існавання гульні. Першым чынам гэта добрыя манэры, паважлівае стаўленьне да партнэраў і супернікаў, захоўваньне парадку на палях.